Amcanion Strategol
Datganiad Cenhadaeth
Mae Consortiwm Rhyngwladol Cymru wedi ymrwymo i gynyddu nifer y myfyrwyr rhyngwladol amser llawn sy'n cael eu recriwtio i addysg uwch yng Nghymru a datblygu cyfran y farchnad ryngwladol i Gymru.
Amcanion Strategol
- Datblygu cynlluniau recriwtio a marchnata ar y cyd i gefnogi a chyd-fynd â gweithgareddau sefydliadau sy'n aelodau
- Hyrwyddo addysg uwch Cymru fel darparwr cystadleuol o ansawdd, traddodiad ac arloesedd mewn addysg
- Hyrwyddo Cymru fel cyrchfan hynod ddymunol i astudio ynddi, sy'n cynnig lle wedi ei warantu i bob myfyriwr rhyngwladol, amgylchedd diogel a chyfeillgar a buddsoddiad cost-effeithiol
- Datblygu systemau a gweithdrefnau er mwyn darparu mynediad i gyfleoedd i astudio i fyfyrwyr rhyngwladol yng Nghymru
- Annog a hwyluso cyfenwid arfer da yn nhermau gwybodaeth, sgiliau a phrofiad, ac arwain drwy ymarfer proffesiynol
- Codi proffil rhyngwladol addysg uwch yng Nghymru a gweithredu fel llysgennad , o fewn cyd-destun marchnata rhyngwladol a chysylltiadau cyhoeddus
- Defnyddio ystadegau recriwtio llwyddiannus ar gyfer myfyrwyr rhyngwladol sy'n dod i mewn i addysg uwch yng Nghymru i gefnogi gweithgareddau lobïo.
Mewn ymateb i'r Amcanion Strategol , mae Consortiwm Rhyngwladol Cymru wedi ymrwymo i ddatblygu prosiectau sydd:
- Yn arddangos cydweithredu ar lefel genedlaethol a rhyngwladol
- Yn arddangos arfer da o ran cyfnewid sgiliau, gwybodaeth a phrofiad proffesiynol
- Yn darparu cryfder cystadleuol ar sail Cymru gyfan, gan ddefnyddio adnoddau cyfun a graddfeydd gweithgaredd sydd y tu hwnt i allu sefydliadau unigol
- Yn dod â budd i'r holl sefydliadau sy'n aelodau